غاص رجل ذو بصيرة في بحر
فقال : لم تبدو أزرق اللون أيها البحر؟
ولم ترتدي لباس الحداد ؟
ولم تفور وتغلي ولست بالنار شبيها ؟
أجاب البحر علي طيب القلب قائلا :ه
إنني مضطرب لفراق الحبيب
كما أنني ضعيف الشأن ولست ندا له
لذا نسجت لباس المأتم الأزرق حزنا عليه
وجلست صادي الشفتين مشتت الفكر
فقد جعلتني نار عشقه مضطربا
فإن أحظي بقطرة من ماء كوثره
أعش إلي الأبد علي أعتابه
وإلا فأمثالي من العطشى كثيرون
وهم في طريقه طوال الليل والنهار يموتون
من كتاب " منطق الطير"ا
فريد الدين العطار النيسابوري
البرد جاي السنة دي غريب جدا و عنيف جدا و شرس جدا ، عندي دور برد مستمر معايا لاكتر من شهر متواصل ، بنجاح ساحق ماحق ، الاعراض هي نفس الاعراض المعروفة ، ارتفاع درجة حرارة الجسم ، مع الاحساس بالبرودة ، والصداع احيانا ، والهمدان ، والكحححححة ، والرشح ، كل الاعراض دي موجودة ، ولا تنقطع او تخف حدتها ، ولولا ارتباطي بالشغل كان زماني راقد في السرير طول المدة دي ـــ بصراحة استسلمت للرقاد مرتين خلال اسبوعين متواليين كل مرة حوالي ثلاثة ايام ، ودي برضه اول مرة تحصل ـــ الشئ الغريب اني رغم طول المدة اللي لازمني فيها البرد المرة دي ، ورغم خنقنتي من الكحة الخنيقة المتواصلة ، ما فكرتش خااااااالص اروح لدكتور ، ليه ؟ مش عارف
لكن برضه انا جربت اكتر من وسيلة للعلاج ، يعني استهلكت علبتين دوا كحة مختلفتين عن بعض ، ( توسكان ) و ( توسينور ) كل واحدة منهم كانت وصفة من صيدلية ، واستهلكت حوالي خمسة كيلو ليمون مغلي لوحده ، وليمون مخلوط بالشاي الاحمر ، واستهلكت اوراق حوالي اربع شجيرات جوافة صغيرة برضه مغلية في الماء ، و برطمان عسل اسود كبير كنت باشرب منه معلقتين يوميا علي الريق ، وحوالي اتنين كيلو اعشاب طبية مش عارف بالضبط مكوناتها ايه ( بصراحة كده يعني ) ، و اتنين كوب جنزبيل ساخن قاومت طعمه الغريب اللي هو خليط من الطعم الحريف جدا الشبيه بالشطة والحارق للزور والطعم المسكر اللزج السميك القوام بصعوبة ، ده غير شرائط الفلورست والكيتوفان لزوم الرشح والصداع وخلافه
كل ده ولسة البرد صامد ومكلبش في جسمي مش عايز يطلع والكححححححة مش عايزة تروح ، لغاية بجد ما اتخنقت ، ومش عارف اعمل ايه ؟
الى الإنسانة اللي عارفة نفسها
مدونتي وحياتي
حدثت تجربة الحب أخيرا
